नमस्कार ! बळीराजावर आपले स्वागत आहे.


   पाचवे अ.भा.मराठी शेतकरी साहित्य संमेलन, पैठण

    दिनांक : शनिवार, रविवार, २ व ३ फेब्रुवारी २०१९  
    स्थळ : संत एकनाथ ज्ञानपीठ, माहेश्वरी जनकल्याण सभागृह, पैठण, जि. औरंगाबाद

    अग्रिम प्रतिनिधी नोंदणीसाठी येथे क्लिक करा. 
    अधिक माहितीसाठी येथे क्लिक करा.

उतू जाऊ नये म्हणून...

Raosaheb Jadhav's picture
काव्यप्रकार: 
कविता

उतू जाऊ नये म्हणून...

पाझरतोय चंद्र
आज पुन्हा
पिकावर करपल्या,
आणि आभाळ
सरकत चाललेय
सागराकडे उधानलेल्या
मी मात्र,
घातलाय हात पुन्हा एकदा
हवामान खात्याच्या
जादुई पोतडीत
बघत चंद्राकडे
आटत्या दुधात बुडत जाणाऱ्या

लागलाच हाती एखादा ओला ढग
आणि नाहीच चुकला त्याचा अंदाज
बरसण्याचा
तर करीलही पेरणी कदाचित
हंगामहीन नात्यांची
कोजागिरीच्या जाग्या रात्री

तसेही झोपण्याचे अंदाज
कुठे खरे ठताहेत आजकाल
तरीही अबाधित आहे
चंद्राची आवकजावक
आणि उधानही सागराचे

अखेर मला फिरवावीच लागेल पळी
दुधात उकळत्या
पुन्हा एकदा,
उतू जाऊ नये म्हणून...
सावधपणाला गोंजारण्याचा एक लटका प्रयत्न...

रावसाहेब जाधव (चांदवड)
९४२२३२१५९६

Share