नमस्कार ! बळीराजावर आपले स्वागत आहे.

Shetkari Sanghatana Mobile App

शेतकरी संघटना मोबाईल ऍप
हे शेतकरी संघटनेचे अधिकृत मोबाईल ऍप असून शेतकरी संघटनेशी संलग्न राहण्यासाठी, घडामोडीची माहिती व वृत्तांत वाचण्यासाठी, शेतकरी संघटनेच्या आगामी कार्यक्रमांची/आंदोलनाची माहिती मिळवण्यासाठी तसेच युगात्मा शरद जोशींचे साहित्य वाचनासाठी अत्यंत उपयोगाचे आहे.  प्रत्येक शेतकऱ्याने हे ऍप इन्स्टॉल करणे आवश्यक आहे. अधिक माहितीसाठी http://www.baliraja.com/node/1589 येथे क्लिक करा. 
 
 
 

विश्वस्तरीय लेखन स्पर्धा 2018 साठी कविता - एल्गार

Anu's picture

एल्गार

नोटाबंदी करुन साहेब
तुमी तुमचीच केली चांदी
आमच्या जीवनात मात्र
मरेपर्यंतची मंदी....

विकासाचं गाजर दाखवून
तुमी आमाले लुटून रायले
पारतंत्र्यात असतांनाही साहेब
असे दिवस नोते हो पायले....

माणसांपेक्षा आज तुमाले
गाय महत्त्वाची वाटते
औषधाविना लेकरु मरते ना साहेब
तवा जीव थटंथटं तुटते....

भूमिपुत्रावरच जर का साहेब
आत्महत्येची वेळ येईल
तुमीच सांगा तुमाले साहेब
मंग ही धरणी पोटात कशी घील....

भूमिपुत्रांनो तुमी आता
असा एल्गार करा
स्वताः मरण्याआधी चार-पाच
भ्रष्ट नेते मारुन मरा....

एकच मागणं तुमाले साहेब
नका रचू देशाचं सरण
नाईतं कास्तकाराईच्या हातून लिवलं जाईल
तुमा सा-याईचं मरण.....

त्या बुलेट ट्रेन अन् मेट्रोले साहेब
तुमी आमच्या नजरीतून बघा
एका दिवसापूरतं तरी साहेब
तुमी शेतकरी बनून जगा....
एका दिवसापूरतं तरी साहेब
तुमी शेतकरी बनून जगा.....

श्री.अनिकेत जयंतराव देशमुख (अनु) (पाऊलखुणाकार )
(कवी, निवेदक व लेखक)
रा- गोपालखेड , पो- गांधीग्राम ,
ता. जि. अकोला 444006
mo-9689634332
(स. शि. पं. स. हिंगोली )
©Copyright - Aniket J. Deshmukh

Email Id :-
anudesh25488@gmail.com

लेखनप्रकार: 
पद्यलेखन स्पर्धा-२०१८
लेखनप्रकार : 
पद्यलेखन स्पर्धा-२०१८
लेखनविभाग: 
पद्यकविता
Share

प्रतिक्रिया

  • ravindradalvi's picture
    ravindradalvi
    मंगळ, 23/10/2018 - 13:25. वाजता प्रकाशित केले.

    एल्गार
    अनिकेत
    जबरदस्त प्रहार !अप्रतिम कविता ..

    रवींद्र अंबादास दळवी
    नाशिक