नमस्कार ! बळीराजावर आपले स्वागत आहे.


   पाचवे अ.भा.मराठी शेतकरी साहित्य संमेलन, पैठण

    दिनांक : शनिवार, रविवार, २ व ३ फेब्रुवारी २०१९  
    स्थळ : संत एकनाथ ज्ञानपीठ, माहेश्वरी जनकल्याण सभागृह, पैठण, जि. औरंगाबाद

    अग्रिम प्रतिनिधी नोंदणीसाठी येथे क्लिक करा. 
    अधिक माहितीसाठी येथे क्लिक करा.

गझल: सर्वहारा

Dhirajkumar Taksande's picture

(मतला)
भेटला ना शासनाचाही सहारा
ध्वस्त झाले पीकपाणी अन निवारा

(हुस्नेमतला)
कोण कोणा देत नाही बघ सहारा
खुद्द आता तू स्वतःचा हो पहारा

(1ला शेर)
झोपलेल्या शासकावर बोल हल्ला
घे उधळ हाती चितेमधला निखारा

(2रा शेर)
काढ पाणी लाथ मारुन तू अताशा
ठेव रे इतका भरोसा कास्तकारा

(3रा शेर)
इंग्रजाशी झुंजला तू मुक्तीसाठी
पण तुझाची देत नाही हे चुकारा

(4था शेर)
खेळणाऱ्या शासनाची उडव दंडी
जिंकल्यावर वाजवीतो मी नगारा

(अंतिम शेर)
तू कसा नाही बळी रे शोषणाचा?
कास्तकारा आजचा तू सर्वहारा!

(मकता)
पेट आता हो उबारा 'धीर' राजा
घे करूनी पूर्ण कोरा सातबारा

वृत्त :~मंजुघोषा
लगावली :~गालगागा गालगागा गालगागा

लेखनप्रकार: 
पद्यलेखन स्पर्धा-२०१८
लेखनप्रकार : 
पद्यलेखन स्पर्धा-२०१८
लेखनविभाग: 
गझल
Share