नमस्कार ! बळीराजावर आपले स्वागत आहे.

Shetkari Sanghatana Mobile App

शेतकरी संघटना मोबाईल ऍप
हे शेतकरी संघटनेचे अधिकृत मोबाईल ऍप असून शेतकरी संघटनेशी संलग्न राहण्यासाठी, घडामोडीची माहिती व वृत्तांत वाचण्यासाठी, शेतकरी संघटनेच्या आगामी कार्यक्रमांची/आंदोलनाची माहिती मिळवण्यासाठी तसेच युगात्मा शरद जोशींचे साहित्य वाचनासाठी अत्यंत उपयोगाचे आहे.  प्रत्येक शेतकऱ्याने हे ऍप इन्स्टॉल करणे आवश्यक आहे. अधिक माहितीसाठी http://www.baliraja.com/node/1589 येथे क्लिक करा. 
 
 
 

उभं पीक पाण्यासाठी..

Chitra Kahate's picture

उभं पीक पाण्यासाठी...

अवंदाच्या सालामध्ये
नाही पाणी बरसलं।
उभं पीक पाण्यासाठी
किती बाई तरसलं।

भुई होईन गर्भार
पीक येईन कोवळे।
येई रोहिणी मिरुग
तिचे पुरवी डोहाळे।
येई आनंदी श्रावण
तिला झुलविण्या झुले।
पण गत यावेळची
तिचे हात नाही ओले।
तिच्या आसवे डोळ्यात
नाही मन हरकलं।
उभं पीक पाण्यासाठी...

बाळ ओटीशी बांधून
आता फिरते ती आई।
थडगी पोटाची भराया
किती झुरते ती भुई ।
शाप मिळे वार्धक्याचा
गरगरते ती माई।
तळहाताच्या रेषाले
किती गोंजारते बाई।
भोग तसेच माथ्याचे
जिणं पुढं सरकलं।
उभं पीक पाण्यासाठी...

चित्रा सुधीर कहाते
नागपूर

लेखनप्रकार: 
पद्यलेखन स्पर्धा-२०१८
लेखनप्रकार : 
पद्यलेखन स्पर्धा-२०१८
लेखनविभाग: 
गीतरचना
शोधखुणा: 
Share

प्रतिक्रिया