नमस्कार ! बळीराजावर आपले स्वागत आहे.


   पाचवे अ.भा.मराठी शेतकरी साहित्य संमेलन, पैठण

    दिनांक : शनिवार, रविवार, २ व ३ फेब्रुवारी २०१९  
    स्थळ : संत एकनाथ ज्ञानपीठ, माहेश्वरी जनकल्याण सभागृह, पैठण, जि. औरंगाबाद

    अग्रिम प्रतिनिधी नोंदणीसाठी येथे क्लिक करा. 
    अधिक माहितीसाठी येथे क्लिक करा.

घाला दोन रेघा...

Raosaheb Jadhav's picture

घाला दोन रेघा…

माफ करा साहेबांनो
सांभाळा जी सुभा
थोडेतरी जगण्याची
असू द्या की मुभा …

कलमाला कायद्याच्या
जडलीया बाधा
पैशाविना प्रेतालाही
देतो कोण खांदा…

नवसाचा देवालाही
आता घम नाही
गायसुध्दा चाऱ्याविना
पान्हावत नाही…

तळाशीला फायलीच्या
योजनेचा भुगा
ताकदीच्या तलाठ्याच्या
आभाळाला भेगा…

दम नको भरू बाबा
घायकुती येऊ
खळ्यातली मोडू सुडी
वाटा तुला देऊ…

गावकीत भावकीच्या
जाळताना बागा
जोगलेत किती तुम्ही ?
कानामंधी सांगा…

नशिबाने उरावर
उरे एक बिघा
कागदात कुणब्याच्या
घाला दोन रेघा…

रावसाहेब जाधव ( चांदवड)
(9422321596)
७०, महालक्ष्मी नगर,
चांदवड, जि.नाशिक ४२३१०१
rkjadhav96@gmail.com

लेखनप्रकार: 
पद्यलेखन स्पर्धा-२०१८
लेखनप्रकार : 
पद्यलेखन स्पर्धा-२०१८
लेखनविभाग: 
पद्यकविता
Share