नमस्कार ! बळीराजावर आपले स्वागत आहे.

Shetkari Sanghatana Mobile App

शेतकरी संघटना मोबाईल ऍप
हे शेतकरी संघटनेचे अधिकृत मोबाईल ऍप असून शेतकरी संघटनेशी संलग्न राहण्यासाठी, घडामोडीची माहिती व वृत्तांत वाचण्यासाठी, शेतकरी संघटनेच्या आगामी कार्यक्रमांची/आंदोलनाची माहिती मिळवण्यासाठी तसेच युगात्मा शरद जोशींचे साहित्य वाचनासाठी अत्यंत उपयोगाचे आहे.  प्रत्येक शेतकऱ्याने हे ऍप इन्स्टॉल करणे आवश्यक आहे. अधिक माहितीसाठी http://www.baliraja.com/node/1589 येथे क्लिक करा. 
 
 
 

पोसता कांदा...

Raosaheb Jadhav's picture

पोसता कांदा…

पोसता कांदा वावरभर
मातीमध्ये दाटत गेला
फुगून छाती मल्लाची
कपडा जसा फाटत गेला...

पातीतून हिरव्या नाचऱ्या
उद्यासाठी पोसत गेला
गाडी गाडी भरताना
गळा फास काचत गेला...

वाटेवर बाजाराच्या
हिशोबाने सोबत गेला
हवा भरल्या चाकांनाही
कचाकचा दाबत गेला...

उंबऱ्यावरच बाजाराच्या
भाव त्याचा पड़त गेला
खाटे होताच वावर माझे
पडता भाव चढत गेला...

सोबत त्याच्या जगणाराचे
आभाळ मात्र सडत आहे
कळत नाही अजून मला
कोण त्याला नडत आहे...

रावसाहेब जाधव (चांदवड)
9422321596
rkjadhav96@gmail.com

लेखनप्रकार: 
पद्यलेखन स्पर्धा-२०१८
लेखनप्रकार : 
पद्यलेखन स्पर्धा-२०१८
लेखनविभाग: 
पद्यकविता
Share