नमस्कार ! बळीराजावर आपले स्वागत आहे.

Shetkari Sanghatana Mobile App

शेतकरी संघटना मोबाईल ऍप
हे शेतकरी संघटनेचे अधिकृत मोबाईल ऍप असून शेतकरी संघटनेशी संलग्न राहण्यासाठी, घडामोडीची माहिती व वृत्तांत वाचण्यासाठी, शेतकरी संघटनेच्या आगामी कार्यक्रमांची/आंदोलनाची माहिती मिळवण्यासाठी तसेच युगात्मा शरद जोशींचे साहित्य वाचनासाठी अत्यंत उपयोगाचे आहे.  प्रत्येक शेतकऱ्याने हे ऍप इन्स्टॉल करणे आवश्यक आहे. अधिक माहितीसाठी http://www.baliraja.com/node/1589 येथे क्लिक करा. 
 
 
 

शेतकऱ्याच्या मुला

आशिष आ. वरघणे's picture

शेतकऱ्याच्या मुला...!

शेतकऱ्याच्या मुला अन् काय पाहीजे तुला
राब राब राबून बाप आयता पोसतो तुला || ध्रृ. ||

शिकाचा मानस नाही रे तुझा
रिकामा फिरून झालास ओझा
मोठ्यांच्या घरी नाही रे असे
वारसा चालिवीते विकून जोडे खुला
तू तर पोशिंद्याचा आहे रे मुला
राब राब राबून बाप आयता पोसतो तुला ||१||

आपली जमीन आपुण भुमीहीन
याच मायच्या पदरामंदी आपण दीन
आपली अवस्था आपण जबाबदार
एकीच्या भंगापाई आयते सरदार
समजून घे व्यवस्था काय पाहीजे मुला
राब राब राबून बाप आयता पोसतो तुला ||२||

आपल्या मतांनी विजयी निवडणूक
चौफेर आपली दरसाल पिळवणूक
पाच वर्ष म्हणतो आपण मोठ्ठी केली चूक
अशा सरकारपाई आपली जशीच्या तशीच भूक
नकोस आता कानाडोळा जाणून घे रे मुला
राब राब राबून बाप आयता पोसतो तुला ||३||

आभाळ खाली ओढायचं नाही
चंद्राला हात पुरवायचा नाही
होईल विजय आपला आता
आपल्याच कष्ठावर पेटतो घरोघरी भाता
चल रे उतरूया रणांगणांच्या पुला
राब राब राबून बाप आयता पोसतो तुला. ||४||

- आशिष वरघणे
रा. सिरूड पो. वेळा त. हिंगणघाट जि. वर्धा
पिन. ४४२३०१
मो. ९६३७८१३५०६

लेखनप्रकार: 
पद्यलेखन स्पर्धा-२०१८
लेखनप्रकार : 
पद्यलेखन स्पर्धा-२०१८
लेखनविभाग: 
गीतरचना
Share