नमस्कार ! बळीराजावर आपले स्वागत आहे.

Shetkari Sanghatana Mobile App

शेतकरी संघटना मोबाईल ऍप
हे शेतकरी संघटनेचे अधिकृत मोबाईल ऍप असून शेतकरी संघटनेशी संलग्न राहण्यासाठी, घडामोडीची माहिती व वृत्तांत वाचण्यासाठी, शेतकरी संघटनेच्या आगामी कार्यक्रमांची/आंदोलनाची माहिती मिळवण्यासाठी तसेच युगात्मा शरद जोशींचे साहित्य वाचनासाठी अत्यंत उपयोगाचे आहे.  प्रत्येक शेतकऱ्याने हे ऍप इन्स्टॉल करणे आवश्यक आहे. अधिक माहितीसाठी http://www.baliraja.com/node/1589 येथे क्लिक करा. 
 
 
 

स्वाभिमान तू माझा

Rangnath Talwatkar's picture

कष्टकरी तू
घामगाळी तू
विश्वाचा अन्नदाता
तूच बळीराजा
शेतकरी राजा
स्वाभिमान तू माझा (धृ)

मातीतून पिकवितो सोनं
अन्नधान्याची रे ही खाण
नाही त्याची कुणा रे जाण
तूच आहे या विश्वाची शान
गरीबाचा वाली,तूच बलधारी
नको टेकवूस माथा
तूच बळीराजा
शेतकरी राजा
स्वाभिमान तू माझा ..(१)

ठेव जगण्याची तू आस
नको घेवूस गळ्या फास
किती भोगतो रे वनवास
तूच नसल्याचा होतो भास
तुझ्याविना नाही,तूच सर्वकाही
कष्ट नाही तुझ्याविना हाता
तूच बळीराजा
शेतकरी राजा
स्वाभिमान तू माझा..(२)

एका दान्याचे केले हजार
नाही हक्काचा मिळे बाजार
इथे सारेच झाले मुजोर
भूमिपुत्रा केले कमजोर
नाही रडायचं,दादा लढायचं
नव्या उमेदिनं आता
तूच बळीराजा
शेतकरी राजा
स्वाभिमान तू माझा..(३)

- रंगनाथ तालवटकर
चिखली (कोरा)
त.समुद्रपूर जि.वर्धा

लेखनप्रकार: 
पद्यलेखन स्पर्धा-२०१८
लेखनप्रकार : 
पद्यलेखन स्पर्धा-२०१८
लेखनविभाग: 
गीतरचना
Share

प्रतिक्रिया