नमस्कार ! बळीराजावर आपले स्वागत आहे.


   पाचवे अ.भा.मराठी शेतकरी साहित्य संमेलन, पैठण

    दिनांक : शनिवार, रविवार, २ व ३ फेब्रुवारी २०१९  
    स्थळ : संत एकनाथ ज्ञानपीठ, माहेश्वरी जनकल्याण सभागृह, पैठण, जि. औरंगाबाद

    अग्रिम प्रतिनिधी नोंदणीसाठी येथे क्लिक करा. 
    अधिक माहितीसाठी येथे क्लिक करा.

मायेची लेकरं

Rangnath Talwatkar's picture
काव्यप्रकार: 
शेतकरी काव्य

मायेची लेकरं

कुठं शोधू मी तूला रे
सारी अंधारली वाट
दुर जाऊनी प्रकाशा
का फिरवीली पाठ

एक आस तूच आहे
सोड एखादे किरण
तुझी वाट पाहता रे
कितीदा सोडलं मरण

लढा लढेन हक्काचा
हवी मला तुझी साथ
एक किरण पाड दारी
करेन दुख:वर मात

विश्व व्यापून न रे तू
पार केला भवसिंधू
नाही कळलारे आम्हा
आमच्यातलाच भोंदू

आम्ही आमचा समजुनी
दिली बसायला गादी
भोंदू आम्हा बनवुनी
नाही दिली साथ साधी

झेप घेण्यारे निघाली
काळ्या मायेची लेकरं
दाणा चोचीत भरण्या
जशी थव्यातील पाखरं

- रंगनाथ तालवटकर
चिखली,जि.वर्धा
७३८७४३९३१२
rangnathtalwatkar31@gmail.com

Share

प्रतिक्रिया