नमस्कार ! बळीराजावर आपले स्वागत आहे.

Shetkari Sanghatana Mobile App

शेतकरी संघटना मोबाईल ऍप
हे शेतकरी संघटनेचे अधिकृत मोबाईल ऍप असून शेतकरी संघटनेशी संलग्न राहण्यासाठी, घडामोडीची माहिती व वृत्तांत वाचण्यासाठी, शेतकरी संघटनेच्या आगामी कार्यक्रमांची/आंदोलनाची माहिती मिळवण्यासाठी तसेच युगात्मा शरद जोशींचे साहित्य वाचनासाठी अत्यंत उपयोगाचे आहे.  प्रत्येक शेतकऱ्याने हे ऍप इन्स्टॉल करणे आवश्यक आहे.
 
 
 

आत्महत्तेने तुझ्या

Sandhya Patil's picture
लेखनप्रकार: 
पद्यलेखन स्पर्धा-२०१७
लेखनविभाग: 
गझल

प्रश्न सारे संपले का आत्महत्तेने तुझ्या
रक्त कुठले पेटले का आत्महत्तेने तुझ्या

राहुनी तू अर्धपोटी पोसले त्यांना तरी
ते उपाशी झोपले का आत्महत्तेने तुझ्या

मांडला आक्रोश ज्यांनी हा तुझ्या प्रेतापुढे
दुःख त्यांचे गोठले का आत्महत्तेने तुझ्या

पंचनामा सांगतो की बेवडा होता निघा
हे खुलासे वाचले का आत्महत्तेने तुझ्या

निर्विकारी लोक त्यांनी झाकली तोंडे तरी
बिंग त्यांचे फोडले का आत्महत्तेने तुझ्या

बायको पोरे उपार्‍शी जाहली बेघर तुझी
छञ त्यांना लाभले का आत्महत्तेने तुझ्या

फोडला होता चितेवर ऐक हंबरडा तिने
प्राण अपुले सोडले का आत्महत्तेने तुझ्या

घेउनी पदरात उठली पोर मोठ्या जिद्दिने
हे तिचे बळ वाढले का आत्महत्तेने तुझ्या

जायचे तर शासणाचे दार ठोठावून जा
एवढेही ऐकले का आत्महत्तेने तुझ्या

रोज चर्चा रोज फतवे कर्जमाफीची हमी
हे मुखवटे फाडले का आत्महत्तेने तुझ्या

प्रा. सौ. संध्या पाटील
साधना विद्यालय व
आर, आर, शिंदे .ज्यु. काॅलेज
हडपसर पुणे२८

Share

प्रतिक्रिया