नमस्कार ! बळीराजावर आपले स्वागत आहे.

Shetkari Sanghatana Mobile App

शेतकरी संघटना मोबाईल ऍप
हे शेतकरी संघटनेचे अधिकृत मोबाईल ऍप असून शेतकरी संघटनेशी संलग्न राहण्यासाठी, घडामोडीची माहिती व वृत्तांत वाचण्यासाठी, शेतकरी संघटनेच्या आगामी कार्यक्रमांची/आंदोलनाची माहिती मिळवण्यासाठी तसेच युगात्मा शरद जोशींचे साहित्य वाचनासाठी अत्यंत उपयोगाचे आहे.  प्रत्येक शेतकऱ्याने हे ऍप इन्स्टॉल करणे आवश्यक आहे. अधिक माहितीसाठी http://www.baliraja.com/node/1589 येथे क्लिक करा. 
 
 
 

परतीचा पाऊस

Rangnath Talwatkar's picture
लेखनप्रकार: 
पद्यलेखन स्पर्धा-२०१७
लेखनविभाग: 
पद्यकविता

परतीचा पाऊस

कोनता गुन्हा केला मी
काहून तू रूसला
येणं बावा लवकर
कुठं जावून बसला

नदी नाले धरणं बी
लई आठवण करते
बॉडी स्प्रे मारून
काहून दूर दूर पळते

का सांगू बावा तूले
प-हाटीचे हाल
काही पडल्या पिवळ्या
तर काही लालेलाल

सॊयाबीनचे त् पाहूल्या
जात नाही हाल
कॊमात गेले सारेच
जे हिरवे हॊते काल

हवा विजा घेवून
आभाळ येते दमानं
पत्ता नाही तूझा पावसा
शरीर भिजते घामानं

रोज असते पावसा मला
तूझ्या येण्याची आस
पूर निघाला असेल
रोजच होतो भास

झालं ते झालं पावसा
आता आसं नको करू
प-हाटी तूझी वाट बघते
मागं नको सरू

कोरड्या ह्या गळ्यानं
तुझे गीत कसे गाऊ
परतीच्या पावसा
आम्हा सोडून नको जावू
आम्हा सोडून नको जावू

- रंगनाथ तालवटकर
चिखली (कोरा)
त.समुद्रपूर जि.वर्धा
७३८७४३९३१२

Share

प्रतिक्रिया