Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......
११ वे अ. भा. मराठी शेतकरी साहित्य संमेलन, नाशिक
नियोजित संमेलनाचे प्रारूप, उपक्रम आणि गुरुकुंजाला कसे पोचावे याबद्दल इत्यंभूत माहिती देणारा व्हीडिओ.
शेतकरी साहित्य संमेलनाचे LIVE प्रसारण "शेतकऱ्यांची चावडी" या You Tube चॅनेलवर होणार आहे.
त्यासाठी आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***



दुःख वावराचे

लेखनप्रकार: 
पद्यलेखन स्पर्धा-२०१७
लेखनविभाग: 
पद्यकविता

दुःख वावराचे.......

देश शेतकऱ्यांचा हा
याची वेगळी कहानी
बळीराजाच्या हातात
फक्त उरतात नाणी ।।

सा-या जगाचा पोशिंदा
त्याचं मातिमोल जिनं
त्याच्या हृदयात वसे
राष्ट्रभक्तीचं रे लेणं ।।

शेत पंढरी रे त्याची
पिकांमंदी रे विठ्ठल
सा-या पृथ्वीचं पाणी
त्याच्या डोळ्यात आटलं ।।

टोपी गहाण पडूनी
सावकाराच्या त्या घरी
सरकार दलालांचं
कशा उजवाव्या पोरी ।।

तडा काळजाला देई
भेगाळलेला दुष्काळ
एका चितेसंग फूटे
सा-या कुटुंबाचा भाळ ।।

त्याच्या डोळ्यांत बघून
लेक लपवितो दोर
लढू धैर्याने म्हणतो
लावू नका जिवा घोर ।।

लेक आसवं गिळते
कधी मागे ना ती काही
शेतीमातीशी रे नातं
तिच्या रक्तामध्ये वाही ।।

काय गुन्हा असा केला
जन्म कुणब्याचा दिला
त्यांच्या नशीबाचा असा
खेळ दैवाने मांडला ।।

देवा शेतक-या पोटी
जन्म एकदा तू घेरे
दुःख डोंगराएवढे
थोडे सोसून पहारे ।।

शेतकऱ्यांच्या जातीला
नाही कुणीच रे वाली
फाटलेली काळीजं रे
केली तुझ्याच हवाली.....

:-कवी अनिकेत जयंतराव देशमुख (अनु)
(कवी, निवेदक व लेखक)
रा- गोपालखेड , पो- गांधीग्राम ,
ता. जि. अकोला 444006
mo-9689634332

Copyright - Aniket J. Deshmukh

Email Id :-
anudesh25488@gmail.com

Share

प्रतिक्रिया