नमस्कार ! बळीराजावर आपले स्वागत आहे.


   पाचवे अ.भा.मराठी शेतकरी साहित्य संमेलन, पैठण

    दिनांक : शनिवार, रविवार, २ व ३ फेब्रुवारी २०१९  
    स्थळ : संत एकनाथ ज्ञानपीठ, माहेश्वरी जनकल्याण सभागृह, पैठण, जि. औरंगाबाद

    अग्रिम प्रतिनिधी नोंदणीसाठी येथे क्लिक करा. 
    अधिक माहितीसाठी येथे क्लिक करा.

पोटातले पाणी

Dhirajkumar Taksande's picture
लेखनप्रकार: 
पद्यलेखन स्पर्धा-२०१७
लेखनविभाग: 
पद्यकविता

ढग फुटून वर्षे गेली, पाण्याच्या डोळ्यात येईल पाणी
जरा कळ सोस वो माँ नदिले येईलच पाणी

शेतकऱ्यांनो थांबा जरा, कशाची आली घाई
स्वागताची होर्डिंग्ज पोहचलीत ना गावोगावी
टिव्हीत पहा नदि भराले टाईम लागतोय बाई
जोतीष्य सांगे पाचव्या वर्षी नक्की शिरवा येइ
ठाव हाय ना तुमाले पहिल्यांदा जमिनीत मुरते पाणी

काय हाये पाण्याला फुटल्या दिशा दहाही
त्यातच कावळ्यांचे प्रयोग काही नविन नाही
नुसत्या दगडधोंड्यानीच नदि भरत राही
पाण्यावरच पोट त्यांच, धार कशी वाही
धीर धर मराच्या पैले पे बीसलरीतल घोटभर पाणी

राज्यकर्ते हाये का भिकारी, कळत नाही
उधारीवर सारा देश चालवत राही
उत्पादकाचे हात का इथे बांधल्या जाई
व्यवस्था कृषकाची तळमळून पाही
वर्षानुवर्षे सरकारच्या पोटातलं हलत नाही पाणी

Share

प्रतिक्रिया