नमस्कार ! बळीराजावर आपले स्वागत आहे.


   पाचवे अ.भा.मराठी शेतकरी साहित्य संमेलन, पैठण

    दिनांक : शनिवार, रविवार, २ व ३ फेब्रुवारी २०१९  
    स्थळ : संत एकनाथ ज्ञानपीठ, माहेश्वरी जनकल्याण सभागृह, पैठण, जि. औरंगाबाद

    अग्रिम प्रतिनिधी नोंदणीसाठी येथे क्लिक करा. 
    अधिक माहितीसाठी येथे क्लिक करा.

कळ

आत्माराम जाधव's picture
लेखनप्रकार: 
पद्यलेखन स्पर्धा-२०१७
लेखनविभाग: 
गझल

दुखणे जरी पुराणे,ही कळ  नवीन  आहे
दररोजच्या उन्हाची,ही झळ नवीन आहे

शेतात  राबणारा  शब्दात  मांडतो  मी
किस्सा जरी जुना हा तळमळ नवीन आहे

नोव्हेच आत्महत्या गळफास ही नव्हे हा
झाडास लागलेले हे फळ नवीन आहे

फसशील रे पुन्हा तू ऐकूण गोड बाता
माशास पकडणारा हा गळ नवीन आहे

सरकार शेटजीचे शेती विकास गाते
वाघास सावजाची,कळकळ नवीन आहे

खाऊन फस्त केले शेतास कुंपनाने
गावात या लुटीची हळहळ नवीन आहे

थाकलो जरा आता मी देहात त्राण नाही
उसनेच आनलेले हे बळ नवीन आहे

तोडून बंध सारे घे उंच तू भरारी
रक्तात आज मर्दा सळसळ नवीन आहे

सोडून दे आता तू हे राबणे फुकाचे
जाऊ तिथे जिथे रे दरवळ नवीन आहे

- आत्माराम जाधव

Share

प्रतिक्रिया