नमस्कार ! बळीराजावर आपले स्वागत आहे.

Shetkari Sanghatana Mobile App

शेतकरी संघटना मोबाईल ऍप
हे शेतकरी संघटनेचे अधिकृत मोबाईल ऍप असून शेतकरी संघटनेशी संलग्न राहण्यासाठी, घडामोडीची माहिती व वृत्तांत वाचण्यासाठी, शेतकरी संघटनेच्या आगामी कार्यक्रमांची/आंदोलनाची माहिती मिळवण्यासाठी तसेच युगात्मा शरद जोशींचे साहित्य वाचनासाठी अत्यंत उपयोगाचे आहे.  प्रत्येक शेतकऱ्याने हे ऍप इन्स्टॉल करणे आवश्यक आहे. अधिक माहितीसाठी http://www.baliraja.com/node/1589 येथे क्लिक करा. 
 
 
 

जगवा किसान आता

Dhirajkumar Taksande's picture
लेखनप्रकार: 
पद्यलेखन स्पर्धा-२०१७
लेखनविभाग: 
गझल

हो सज्ज कापणीला झाले निदान आता ।
त्या माजल्या चितांनी सजवू स्मशान आता ।।१।।

बसवू जरा तडाखा काचेतल्या जिवांना ।
समतेच्या स्वागताला उठवू तुफान आता ।।२।।

फुक बीगुल आक्रोशाचा कानात यंत्रणेच्या ।
शब्दास जागवाया मिटवू विधान आता ।।३।।

धोका जरा कळू द्या या श्वेत संस्कृतीला ।
नटविण्या राजधानी रक्ताचे निशाण आता ।।४।।

दाखवा धार शस्त्रांची त्या शोषक सत्तेला ।
सरड्यांची पलटणारी कापू जबान आता ।।५।।

गळफास पडावा येथे श्वासांच्या विक्रेत्यांना ।
मयतांच्या व्यापाऱ्यांचे जाळू दुकान आता ।।६।।

पेरणीस भाग पाडा तो गर्भ प्रजासत्तेचा ।
जगण्यास सृष्टी सारी जगवा किसान आता ।।७।।

Share

प्रतिक्रिया