नमस्कार ! बळीराजावर आपले स्वागत आहे.

Shetkari Sanghatana Mobile App

शेतकरी संघटना मोबाईल ऍप
हे शेतकरी संघटनेचे अधिकृत मोबाईल ऍप असून शेतकरी संघटनेशी संलग्न राहण्यासाठी, घडामोडीची माहिती व वृत्तांत वाचण्यासाठी, शेतकरी संघटनेच्या आगामी कार्यक्रमांची/आंदोलनाची माहिती मिळवण्यासाठी तसेच युगात्मा शरद जोशींचे साहित्य वाचनासाठी अत्यंत उपयोगाचे आहे.  प्रत्येक शेतकऱ्याने हे ऍप इन्स्टॉल करणे आवश्यक आहे.
 
 
 

जीवन एक शेती

Dr. Ravipal Bharshankar's picture
काव्यप्रकार: 
कविता

एक शेती मातीची; अन्
एक शेती मतीची
कुठली शेती; करायची ती
ठरवा माणव जातीची ..||धृ||

जिवन एक; तरी भीन्न ते
दोन्ही टोकां वरी
पायी भेगा दु:खाच्या; परि
शिरी सुख मंजिरी
समई खाली; तिमीर नांदतो
ज्योतिर्मयता वातीची
कुठली शेती; करायची ती
ठरवा माणव जातीची ..||१||

एकिचे बळ; कुचकामाचे
माणुस नाही; ढोरं
शेळ्यांच्या कळपाला म्हणती
का गं कोणी; थोरं
बुद्धीने जगी; काळ जिंकला
हसली भीती रात्रीची
कुठली शेती; करायची ती
ठरवा माणव जातीची ..||२||

माती मधुनी; मती निपजते
तरी शेतकरी अज्ञानी
घरी ज्याच्या; धरम-करम तो
कसा होई हो विज्ञानी
आम्ही हा जो; खेळ मांडला
त्याला उपमा; भक्ति ची, युक्ति ची, शक्ति ची
कुठली शेती; करायची ती
ठरवा माणव जातीची ..||३||

Share

प्रतिक्रिया

  • Nilesh's picture
    Nilesh
    बुध, 04/01/2017 - 21:07. वाजता प्रकाशित केले.

    सुंदर


  • Dr. Ravipal Bharshankar's picture
    Dr. Ravipal Bha...
    शुक्र, 08/09/2017 - 19:30. वाजता प्रकाशित केले.

    Thanks

    Dr. Ravipal Bharshankar


  • गंगाधर मुटे's picture
    गंगाधर मुटे
    शुक्र, 23/02/2018 - 09:31. वाजता प्रकाशित केले.

    छान कविता

    शेतकरी तितुका एक एक!


  • Dr. Ravipal Bharshankar's picture
    Dr. Ravipal Bha...
    शुक्र, 23/02/2018 - 15:36. वाजता प्रकाशित केले.

    मी आपला अत्यंत आभारी आहे सर. बऱ्याच दिवसा पासुन कायदा न पाळता कविता लिहीत आहे. परंतू आता कायद्यात लिहायचे असे ठरवले आहे. आणि महत्त्वाचे म्हणजे हे भान जागृत होण्यामागे तुम्ही निमित्त म्हणून लाभलेले आहात. पुनःश्च धन्यवाद सर. काही सुचना असल्यास सिर आँखोंपर. अवश्य सुचवावे ही विनंती.

    Dr. Ravipal Bharshankar