नमस्कार ! बळीराजावर आपले स्वागत आहे.


   पाचवे अ.भा.मराठी शेतकरी साहित्य संमेलन, पैठण

    दिनांक : शनिवार, रविवार, २ व ३ फेब्रुवारी २०१९  
    स्थळ : संत एकनाथ ज्ञानपीठ, माहेश्वरी जनकल्याण सभागृह, पैठण, जि. औरंगाबाद

    अग्रिम प्रतिनिधी नोंदणीसाठी येथे क्लिक करा. 
    अधिक माहितीसाठी येथे क्लिक करा.

गझल

Dhirajkumar Taksande's picture

शिक्षेस तू भोगावया केले न काही पाप रे
जन्मास शेतकऱ्या तुझ्या आहे कुणाचा शाप रे

जन्मासवे तुज भोगण्या दिधला कुणी वनवास हा
पक्षापरी जगणे तुझे मरणे तुझे चुपचाप रे

धंदा तुझा आहे कसा चाऱ्याविणा पिल्ले तुझी
वाटा तुझा ना मागशी आहे कसा तु बाप रे

आहे जरी समता इथे किंमत तुला पाण्यापरी
मोजावया उंची तुझी का वेगळे हे माप रे

सत्ता किती येती नव्या पण औषधे आहे जुनी
जगण्यास दे ही यंत्रणा आश्वासनाची थाप रे

वेढ्यामधे अडतो सदा शेतातला हा माल का
पाहूनिया त्या संकटा सुटतो जिवा थरकाप रे

ते दंशल्यावर पलटती हे पलटल्यावर दंशती
मागे पुढे जाशी कुठे आहे दुतोंडी साप रे

भाषा तुझी देवास त्या कळलीच ना आतावरी
ही मंदिरे नाही तुझी करशी किती तू जाप रे

वृत्त ~ मंदाकिनी
लगावली: गागालगा गागालगा गागालगा गागालगा

लेखनप्रकार: 
पद्यलेखन स्पर्धा-२०१८
लेखनप्रकार : 
पद्यलेखन स्पर्धा-२०१८
लेखनविभाग: 
गझल
Share

प्रतिक्रिया