मी मेल्यावर....!

Ramesh Burbure's picture
लेखनप्रकार: 
पद्यलेखन स्पर्धा-२०१७
लेखनविभाग: 
पद्यकविता

मी मेल्यावर....!

मी मेल्यावर घरात,एकटे वाटणार आहे..!
आठवणींचे मनात,धुके दाटणार आहे..!

रीचवशील तरी तू,किती आसंवाना..?
पुन्हा डोळ्यात ती,ढगे साठणार आहे..!

उसळली ही तुरपाई,विश्वासाची माझ्या..,
आता या काळजाचे,पडदे फाटणार आहे..!

शासन दरबारी जरी,ती बंद सावकारी..,
दलाल तरी मौतीचे,धंदे थाटणार आहे..!

इथं बळीराज्य येण्या,बळीच बळी जाते..,
कुठवर मीच फाशीचे,फंदे चाटणार आहे..?

पिकही ते बटईचे,माझे डुंगीत रुसले..,
मग आयुष्यही किती,मक्ते काटणार आहे..?

गुरांस खायला नाही,या धुऱ्यास चारा..,
यंदा भाऱ्यात माझे,मुंडके छाटणार आहे..!

रमेश बुरबुरे,
मु.निंबर्डा,पो.शिरोली
ता.घाटंजी,जि.यवतमाळ
पिन कोड ४४५३०१
मोबाईल क्र.९७६७७०५१७०
ईमेल-burbureramesh@gmail.com

प्रतिक्रिया

गंगाधर मुटे's picture

प्रवेशिकेचे मनपूर्वक स्वागत.
अभिनंदन....! CongratsCongrats

गंगाधर मुटे's picture

श्री बुरबुरेजी Ramram ,
जमले एकदाचे कविता संकेतस्थळावर प्रकाशित करणे.
तुम्हाला प्रारंभी ही प्रक्रिया किचकट वाटली असली तरी ही प्रकिया तशी मुळीच किचकट नाही. कोणताही विषय अथवा प्रक्रिया आपल्याला माहिती नसल्याने किचकट वाटत असते. एकदा माहित झाली की तीच प्रक्रिया आपल्यासाठी सुलभ होऊन जाते.

बदल्या काळात इंटरनेटचा वापर अपरिहार्य झाल्याने हा विषय समजून घेणे आणि शिकून घेणेही महत्वाचे आहेच.
असो, आपल्या पुढील वाटचालीसाठी शुभेच्छा Thumbs-Up

Ramesh Burbure's picture

सर, मी घाबरलो होतो व या दुनियेशी नवखा ही..माझ्या मित्राने मला याबाबतीत सांगीतले होते.४ दिवस शिल्लक होते मी घाबरलो होतो की माझी कविता जायला पाहिजे.
मी एकच महिना झालाय लिहितोय..या आधी गंधही नव्हता कवितेचा म्हणुन या लिखानाला काय म्हणु कळेना.मग १ शब्द सुचला गझलनुमा म्हणजेच गझल सदृश्य असल्याने तिला गझल म्हणु की कविता म्हणु पार तारांबळ उडाली होती.apps Download केला रात्रीचे २.३ड वाजुन गेले मग तरीही जमलं नव्हतं मला झोप लागली नाही.की आपण एवढे मागास कसे आहोत या संगणाकाच्या दुनियेत हाच विचार मला खायला लागला.पण दुसऱ्या दिवशी परत भिडलो तेव्हा कुठे सादर करता आली.सर्व Admin Team चे धन्यवाद सहकार्यासाठी....!
स्पर्धेत वाटचालीसाठी दिलेल्या शुभेच्छा अगदिच अमुल्य ठेवा माझ्यासाठी...
खुप खुप धन्यवाद

R.A.Burbure

विनिता's picture

खूप छान प्रयत्न सर
गझलनुमा आवडली

Ramesh Burbure's picture

मी १,२ महिने झाले लिहितोय....गझल नाही जमत मला पण यमक जुळवतो म्हणुन लोक गैरसमज करतात...म्हणुन मीच स्वता गझलनुमा/गझलसदृश्य म्हणुन सुटका करुन घेतो.

R.A.Burbure

Dhirajkumar Taksande's picture

पिकही ते बटईचे, माझे डुंगीत रुसल्या..
मग आयुष्यही किती, हप्ते काटणार आहे..
अप्रतिम रचना बुरबुरे सर

Ramesh Burbure's picture

आपल्या अमुल्य अभिप्रायाचा सदैव रुणी..राहील.धन्यवाद.

R.A.Burbure

Dhirajkumar Taksande's picture

पिकही ते बटईचे, माझे डुंगीत रुसल्या..
मग आयुष्यही किती, हप्ते काटणार आहे..
अप्रतिम रचना बुरबुरे सर

सिद्धेश्वर इंगोले's picture

अतिशय छान लिहीली आहे कविता .अस वाटत नाही की फक्त दोन महिन्यापासूनच लिहीता.पुढील कवितालेखनास शुभेच्छा

सिद्धेश्वर इंगोले's picture

अतिशय छान लिहीली आहे कविता .अस वाटत नाही की फक्त दोन महिन्यापासूनच लिहीता.पुढील कवितालेखनास शुभेच्छा

सिद्धेश्वर इंगोले's picture

अतिशय छान लिहीली आहे कविता .अस वाटत नाही की फक्त दोन महिन्यापासूनच लिहीता.पुढील कवितालेखनास शुभेच्छा

Ramesh Burbure's picture

पण ऊरात ३२ वर्षाचा झंझावात शेष होता कदाचित तो एक स्वानुभव,शेतकरी गरीब घराण्यात जन्म,भोगावे लागलेले चटके,शिक्षणासाठी भटकंती,हे सर्व आंतरत्वाचे आतडे,उपसलेले कातडे बोलताहेत सर...!
त्यामुळे कदाचित या अनुभवाची झालर मला निसर्गदत्त मिळाली असेल.
अमुल्य मतासाठी खुप खुप धन्यवाद साहेब..!

R.A.Burbure

ravipal bharshankar's picture

छान कविता बुरबुरेजी!

Ravipal Bharshankar

Ramesh Burbure's picture

खुप खुप आभार साहेब.

R.A.Burbure

Ramesh Burbure's picture

प्रिय मुटे सर...
मी ऑनलाइन नोंदणी केली.परत आपणास त्रास दिला अडचण आल्यामुळे त्याबद्दल दिलगीर आहे

R.A.Burbure