नमस्कार ! बळीराजावर आपले स्वागत आहे.


४ थे अखिल भारतीय मराठी शेतकरी साहित्य संमेलन, मुंबई

वृत्तांत, छायाचित्र, Vdo आणि बरेच काही >>>  Fingure-Right    क्लिक करा.

  

कर्जमृत्यु

Dhirajkumar Taksande's picture
लेखनप्रकार: 
पद्यलेखन स्पर्धा-२०१७
लेखनविभाग: 
गझल

प्रत्येक हंगाम शेतकऱ्यांना नाचवतो आहे ।
त्याचं त्याला माहीत भाकर कशी पाचवतो आहे ।।१।।

मरता मरता जगण्याच्या स्वातंत्र्य युद्धात रोजच ।
आश्वासनाच्या गोळ्या छाताडात साचवतो आहे ।।२।।

चौफेर होणाऱ्या आस्मानी सुलतानी हमल्यातून ।
चक्रव्यूहात अभिमन्यूगत स्वतःला वाचवतो आहे ।।३।।

कुणी करावी वीरमरणाची व्याख्या बांधावा स्तंभ ।
सिध्द झालाच कर्जमृत्यू तरच चेक वटवतो आहे ।।४।।

संतांच्या भूमीत संवेदनशीलतेचा एवढा दुष्काळ ।
त्याचा दयामृत्यू देशाच्या महानतेला लाजवतो आहे ।।५।।

निर्लज्ज यंत्रणा करु पाहते तुला शेतीतून हद्दपार ।
तीचेच अंगाईगीत पुन्हा तू कशाला वाजवतो आहे ।।६।।

अंगारमळ्यातला स्फुलिंग, तो नकोच विझायला ।
वाघ रानातला पिंजऱ्यात नसल्याच भासवतो आहे ।।७।।

Share

प्रतिक्रिया